13.8 C
Скопје
25. април 2024
Centar.mk – Вести, бизнис, забава, спорт…
фото Pixabay
СВЕТ

Расте бројот на новозаболени во Грција, заразени повеќе од 5.000 лица

Бројот на заразени со коронавирус во Грција надмина 5.000 откако дневниот број на новозаразени лица повторно почна да расте во изминатите недели.

Во последните 24 часа пријавени се 153 нови случаи, така што вкупниот број заразени лица се зголеми на 5.100, а починаа 210 лица.

Највисок дневен број на новозаболени е забележан на 21 април кога имало 156, пренесува „Гардијан“.

Службата за цивилна заштита воведе строги мерки на туристичкиот остров Парос недалеку од Атина, што ќе бидат во сила наредните 10 дена.

Работата на баровите, рестораните и клубовите е ограничена на 19 часа, а маските се задолжителни на сите затворени и отворени простори.

Сите собири се ограничени на десет лица, забранети се забави, улични пазари, саеми и верски собири.

Спонзорирано: