Секогаш во средиштето на збиднувањата...

Орбан: Мерките што ги имаме се добри, не треба да се менуваат

Унгарскиот премиер Виктор Орбан изјави дека сегашното ниво на заштита од пандемијата на коронавирус е соодветно и дека секоја промена во воведените мерки би била ризична.

„Да не ризикуваме, оставете ги работите да останат такви какви што се“, рече Орбан за унгарското радио „Кошут“, пренесува МТИ.

Како што рече, во овој момент ситуацијата е стабилна и доколку граѓаните продолжат да се придржуваат кон мерките како порано и да живеат со вирусот, нема да има никакви проблеми.

Орбан додаде дека епидемијата покажала дека унгарскиот систем за здравствена заштита е меѓу најдобрите во Европа.