Премиерот на Косово, Авдулах Хоти, соопшти дека од денеска во некои градови се воведува полициски час поради зголемениот број на случаи на коронавирус.
Во Приштина, Призрен, Урошевац и Вучитрн, ќе биде на сила забрана за движењње од 21 часот до 5 часот наутро.
Работата на рестораните се ограничува само на летни тераси и со достава.
Хоти најавил дека ќе бидат обезбедени поголем број тестови за да може дневно да се прават и по 500 тестирања.
Планирана е реорганизација на Универзитетскиот клинички центар, но и ставање на располагање на приватните болници.
И додека коронавирусот е во пораст низ целиот регион, како и во Македонија, засега нема најави за евентуално враќање на полицискиот час или појаки рестриктивни мерки во нашата земја.
Спонзорирано:
