21.8 C
Скопје
28. март 2024
Centar.mk – Вести, бизнис, забава, спорт…
Uncategorized

Нацистичко злато вредно повеќе од милијарда фунти закопано под палата во Полска

Се претпоставува дека 28 тони нацистичко злато, вредно повеќе од милијарда фунти, се скриени во темелите на палатата во Полска откако таа локација била спомената во СС-дневникот.

Истражувачите од полско-германската Фондација „Шлески мост“, кои тврдат дека го добиле дневникот од масонска ложа, велат дека богатството било закопано во последните денови на Втората светска војна заедно со труповите на неколку сведоци. Според Фондацијата, резервите на златни шипки, накит и монети лежат на дното на разрушено бунарско окно во темелите на разрушената палата „Хохберг“, во близина на градот Вроцлав, пишува „Дејли мејл“.

Ако тврдењето е точно, богатството би можело да вреди 1,25 милијарда фунти според денешните цени.

Роман Фурманјак, претседател на Фондацијата што ја пронајде локацијата, тврди дека дневникот го напишал СС-офицерот Егон Оленхауер, кој бил врската помеѓу СС-полицајците што криеле богатство и богати членови на СС и нивните семејства што поседувале скапоцености.

Се верува дека Хитлер наредил криење на 260 камиони натоварени со скапоцености во регионот на Шлезија за време на Втората светска војна.

Според Фурманјак, дневникот со децении бил кај 1.100 години старата масонска ложа пред да ѝ биде предаден на Фондацијата пред 10 години.

Тој рече дека деталите можеле да се објават дури минатата година кога сите оние што се поврзани со настаните од дневникот починале, а сега, со излегувањето во јавноста, тој се обидува да ја натера владата да дозволи ископување.

Спонзорирано:

Можеби ќе ве интересира

Песков: Ќе побараме нови пазари и така ќе ги заобиколиме санкциите на злато

M T

Додека барал злато, откопал мумифициран мамут

M T

Цените на акциите драстично паднаа, нафтата и златото скокнаа

M T