Од денеска треба да почне скринингот на одредени категории групи граѓани на Ковид-19. Први за скрининг ќе бидат вработените во градинките, односно речиси 2.000 лица.
„За период од една недела може да се заврши тој процес и градинките би се вратиле во функција. Она што е најважно е животот постепено да се враќа во нормала, а граѓаните да се придржуваат до препорачаните мерки за заштита“, најави министерот за здравство, Венко Филипче.
Владата вчера донесе одлука за олеснување на рестрикциите, кои ќе се одвиваат во три фази. Вкупната бројка на заболени од Ковид-19 во земјата, според податоците од вчера, изнесува 1.674. Од нив, 1.205 оздравеле, 92 лица починале, а активни случаи има 377.
Спонзорирано:
