Рускиот претседател Владимир Путин вчера ја посети болницата во Комунарки, предградие на Москва, во која е сместен најголем број заболени со коронавирусот.
Тој облечен во заштитно одело прошета во неколку одделенија, разговараше со еден од пациентите и ја надгледуваше работата на персоналот. Исто така разговараше и со главниот доктор на болницата.
Right now, Vladimir #Putin was walking around in a hospital in #Kommunarka. pic.twitter.com/NqlFa6ZbAc
— Sukhoi Su-57 Felon 🇷🇺🇮🇳 (@I30mki) March 24, 2020
За време на неговата посета, портпаролот Дмитриј Песков и` го дал телефонот на една медицинска сестра за да го снима претседателот Путин. Потоа, побарал од сестрата да го уништи уредот.
„Снимајте, немојте да се срамите“, рекол Песков и и` рекол да му ја испрати снимката.
Тој објаснил дека во телефонот имало само еден контакт.
„Телефонот оставете го кај себе и потоа уништете го“, рекол портпаролот на Кремељ.
Како што се наведува, таквите мерки се преземени за да не се дезинфицира телефонот.
