Додека сите погледи ги имаме свртено кон Италија која доживува невидена катастрофа со 793 починати лица поради коронавирусот во последните 24 часа, работите не мирисаат на добро ниту во Шпанија, каде само вчера починале 285 лица, а се регистрирани нови 3.925 лица, со што вкупната бројка на регистрирани заразени изнесува 25.496.
Најлошо е што всушност и таму се повторува сценариото од Италија, и секојдневно забрзано расте разликата на новозаразени и мртви со претходниот ден. На пример ако на 9 март биле регистрирани 1231 лице, на 10 март биле регистрирани 1695 заразени, што е помалку од 500 за еден ден, но ако се погледнат податоците за 20 и 21 март, разликата изнесува 3.925 лица. Да потсетиме дека земјата е во целосен карантин.
Во Шпанија досега починале 1.378 лица.
Во Светот се на се’ досега се регистрирани 304.601 и точно 13.000 смртни случаи.
Многумина веруваат дека бројот на заразени не е конечен и можеби е многу поголем со оглед дека се тестираат само одреден број на луѓе.