Предмалку министерот за здравство Венко Филипче ги соопшти првичните мерки.
Се затвораат сите копнени гранични премини во Македонија, освен Табановце, деве баир, ќафасан и блаце кои ќе бидат отворени за возила.
Се затвора охридскиот аеродром по 48 часа.
Се забранува влез на странски државјани од земјите со среден и висок ризик, освен за оние лица за кои МВР ќе даде мислење дека постои посебен државен интерес.
Се затвораат за посетители сите продавници во моловите, освен супермаркетите, продавниците за храна и аптеките. Сите останати можат да работат со онлајн нарачка, и да вршат достава на истите.
Се забранува целосно работата на кафичи, барови, ноќни клубови и казина. Сите угостителски објекти може да работат со храна, но преку онлајн и телефонски нарачки и да вршат достава.
