Во поштите во Амстердам и местото Керкаде, на југот на Холандија, одекнаа експлозии, а полицијата се сомнева дека се работи за писмо-бомба во двата случаи.
Според првичните полициски информации, никој не е повреден, пренесува „Ројтерс“.
Засега не е познато дали двете експлозии се поврзани, објави порталот nltimes, повикувајќи се на локалната полиција.
Стручни лица за експлозивни направи се на самото место.
Холандската полиција испитува серија случаи на писма-бомби од 3 јануари, за кои претпоставуваат дека се испратени од исто лице.
Претходно насочени беа бензинските пумпи, хотелите, гаражите, канцелариите на агентите за недвижнини.
Ниту една од овие пратки не експлодирала./Makfax
Спонзорирано: