Првата кинеска болница за лекување заболени од коронавирус е отворена во градот Хуанганг, во близина на Вухан, откако работници и волонтери претворија напуштена зграда во установа со 1.000 кревети за само два дена.
https://www.youtube.com/watch?v=xuypbfaSV90
Зградата на болницата првично била изградена како ново крило на Централната болница Хуанганг и требало да биде отворена во мај. Сепак, локалните власти во петокот наредија завршената, но празна зграда да се користи за лекување пациенти со коронавирус, а подготовките почнаа во неделата.
До понеделник, сите кревети биле поставени како и инсталациите за струја, вода и интернет беа завршени. Повеќе од 500 работници и десетина градежни возила работеле два дена и ноќи за да ја завршат работата навреме.