20.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈА

Разбојник крадел мобилни телефони и теписи од куќи во Шуто Оризари

Скопското основно јавно обвинителство ќе покрене обвинение против 20 годишник од Скопје кој ограбил четири куќи и еден маркет во Шуто Оризари.

Како што информираат од обвинителството, скопјанецот во периодот од 01 декември 2019 до 06 јануари 2020 година со умисла извршил пет провали, притоа искористувајќи исти прилики и слични околности.

Обвинетиот 20-годишник провалил во четири куќи и во еден маркет и одзел туѓи вредни предмети: мобилен телефон, телевизор, два персиски теписи, кутии цигари и алати. Вкупната вредност на украдените предмети се проценува на околу 180.000 денари.

На 29. ноември минатата година истото лице од џеб на јакна на скопјанец украло мобилен телефон вреден 45.000 денари.

Разбојникот се товари за продолжено кривично дело – тешка кражба, како и едно кривично дело – кражба.

Надлежниот јавен обвинител му предложил на судот да ја продолжи претходно определената мерка притвор затоа што постои опасност од бегство, на што упатува фактот дека се работи за лице кое не поседува лична карта, нема постојана адреса на живеење, а претходно е осудувано за исто кривично дело./Makfax

Спонзорирано: