Маж пукал и ранил две деца затоа што со снежни топки мавале кон неговиот автомобил.
Американската полиција трага по напаѓачот во Висконсин, кој пукаше во две деца на возраст од 12 и 13 години.
Според медиумите, момчето и девојчето биле дел од група која со снежни топки ги мавала автомобилите што поминувале на патот во Милвоки, на северот на САД.
„Една грутка ја погодила белата ‘тојота’ и возачот пукал кон групата деца ранувајќи двајца од нив“, соопштија локалните власти додавајќи дека нивните животи не се загрозени.
Мажот двапати го погодил 12-годишното девојче, а 13-годишното момче го погодил во раката. Тој сè уште е во бегство. Податоците од Gun Violence Archive покажуваат дека најмалку 500 луѓе во САД се повредени од огнено оружје од почетокот на 2020 година./Makfax
