Поради силно невреме на среден Јадран, траектната линија Макарска – Сумартин денеска беше откажана, а попладнево беа откажани и катамаранските линии Сплит-Вис, Сплит-Бол-Јелса и Сплит-Хвар-Вела Лука-Убли.
„Во попладневните часови невремето ќе достигне и до 70 километри на час, што создава повеќеметарски бранови ризични за пловидба, па затоа решивме да ги прекинеме овие линии“, рече Јелена Ивулиќ, директорка на агенцијата „Јадролинија“ во Сплит, пренесува „Хина“.
Таа истакна дека тие ги следат прогнозите на метеоролозите и дека врз основа на тоа ќе донесат одлуки кога повторно ќе бидат воспоставени овие линии.
Спонзорирано:
