Поради силниот ветер, десетици пожари беснеат на источниот брег на Австралија, што предизвика Сиднеј да биде обвиен од штетен облак од чад, а властите ги предупредуваат жителите на најголемиот град во Австралија дека постои опасност по нивното здравје.
Во некои делови на Сиднеј концентрацијата на чад е десет пати поголема од дозволената, соопштија официјални лица.
Шумските пожари во оваа област претходниве недели изгореа околу милион хектари обработливо земјиште и ниска вегетација.
Силен ветер разгорува околу 60 пожари во Нов Јужен Велс.
„За повеќето луѓе, чадот предизвикува благи симптоми во очите, носот и грлото. Но, луѓето со астма или ангина се далеку почувствителни на ефектите од чадот“, вели Ричард Брум, директор на одделот за здравство и животна средина во Нов Јужен Велс.
На терен со повеќе од 1.300 пожарникари, а во седум области на сила е целосна забрана за палење оган на отворено, бидејќи се очекува да продолжи сувото, топло и ветровито време, соопшти пожарникарската служба./Makfax