Секогаш во средиштето на збиднувањата...

Британија ќе го олесни вработувањето на странците во здравството

Поради излегувањето на Велика Британија од Европската Унија, замјата објави дека ќе им го олесни на странците вработувањето во Националната здравствена служба, за да се надомести евентуален пад на бројот на здравствени работници.

Конзервативната влада планира во 2021 година да ги заостри контролите на имиграцијата во земјата по напуштањето на ЕУ. Тоа е причината зошто иднината на здравствениот систем е едно од клучните прашања во генералната изборна кампања за следниот месец во Велика Британија.

Околу 153.000 од 1,2 милиони здравствени работници не се Британци, па критичарите на брегзит предупредуваат дека со прекинување на слободата на движење за граѓаните на ЕУ ширум Велика Британија ќе ја лиши нејзината здравствена служба, една од најголемите работодавци во светот, од важен број работници.

Во исто време постои загриженост дека медицински персонал кои доаѓаат од други делови на светот, особено медицинските сестри, нема да ги исполнат строгите барања на британскиот систем. Околу 52.000 моментно се персонал од Азија./Makfax

Во тренд…