Секогаш во средиштето на збиднувањата...

(Видео) Принудно слета хеликоптерот на претседателот на Боливија

Хеликоптерот во којшто се наоѓал претседателот на Боливија, Ево Моралес морал итно да слета поради механички проблем, соопшти војската, што предизвика сомнежи кај неговите приврзаници, откако противниците се заканија дека ќе го отстранат.

Никој не е повреден во инцидентот, соопштија воздухопловните сили, но инцидентот ги поттикна тензиите во земјата, каде демонстрантите протестираат против лево ориентираниот претседател, две недели по неговиот спорен реизбор.

Хеликоптерот се соочил со механичкиот проблем додека полетувал од село во Андите каде што Моралес отвори нов пат, се вели во извештајот. Видео од инцидентот кружеше на социјалните мрежи.

„Браќа, денес, откако го отворивме патот во Колкири, имавме инцидент со хеликоптерот што ќе биде правилно истражен“, твита Моралес подоцна, откако продолжи со работата во седиштето на Владата./Makfax