На јутјуб-каналот на црногорскиот претседател, Мило Ѓукановиќ, објавено е видео пред средбата на лидерите од регионот, а на кое се гледа опуштена атмосфера и меѓусебни шеги.
Една од тие шеги e насочена кон косовскиот претседател Хашим Тачи, кој со колегите од регионот се поздравувал на српски јазик.
Претседателот на Србија, Александар Вучиќ, на сметка на високата претставничка на ЕУ, Федерика Могерини, и на Тачи, се пошегува за нивното поздравување.
„Хашиме, Федерика најмногу сака со тебе да се прегрнува“, рече Вучиќ додека сите се смеат.
Вучиќ коментира смеејќи се: „Види како се прави дека не разбира српски, а зборува српски како…“
Синоќа во Брисел беше одржана работна вечера, организирана од Могерини со лидерите од Западен Балкан, која воедно беше и нејзина проштална вечера./Makfax
