Две лица загинаа, а две се водат како исчезнати во невремето што ја зафати Северна Италија и предизвика поплави.
Првата жртва е таксист чие возило го однела надојдената вода откако река се излила од своето корито во провинцијата Алесандрија.
Во возилото имало уште едно лице, но тоа преживеало.
Втората жртва е 81-годишен пензионер, кој починал откако неговото возило се излизгало од автопат во близина на Торино. Неговата сопруга, која била сопатник во автомобилот, е повредена.
Две стари лица се пријавени како исчезнати во Морнеза.
Невремето го наруши сообраќајот, причинета е тешка материјална штета, а многу училишта се затворени./Makfax
Спонзорирано:
