Нема докази за вмешаност на Иран во нападите врз саудиските нафтени објекти, изјави денеска рускиот претседател Владимир Путин.
„Ние сме против да го обвиниме Иран бидејќи нема докази за вмешаност на таа земја. За ова прашање вчера разговаравме со иранскиот претседател Хасан Рохани“, рече Путин на енергетскиот самит во Москва.
Тој изјави дека Рохани лично му кажал дека Техеран нема никаква врска со нападите.
Путин истакна дека Соединетите држави не доставиле никакви докази за наводната улога на Иран во нападот врз саудиските нафтени објекти минатиот месец.
Одговорноста за овие напади со беспилотни летала ја презедоа побунетите Хути од Јемен.
Спонзорирано:
