Секогаш во средиштето на збиднувањата...

Арапските партии го поддржаа Бени Ганц за премиер

Со поддршка од Арапскиот блок, Ганц ќе има повеќе пратеници од поранешнот премиер Бенјамин Нетанјаху.

Претставници на арапската партија Заедничка листа денеска му соопштија на претседателот Рувен Ривлин дека го предлагаат Ганц.

Aрапскиот блок во израелскиот Парламент за првпат по 25 години поддржа кандидат за израелски премиер, во овој случај лидерот на Сино-белата партија, Бени Ганц.

Заедничката листа на изборите освои 13 од 120 места во Кнесетот и со нивна поддршка Ганц има 57 пратенички места, додека блокот на Нетанјаху има 55.

Поранешниот министер за одбрана Авигдор Либерман, чија партија освои осум места во Парламентот, допрва треба да одлучи кого ќе поддржи.