Израелскиот премиер Бенјамин Нетанјаху во понеделникот обелодени, како што тој тврди тој, претходно непознат ирански објект за нуклеарно оружје и го обвини Техеран за уништување на локацијата во обид да го негира нејзиното постоење, пренесува „Брејтбарт“.
„Само ова ќе им го кажам на тираните од Техеран. Израел знае што правите, Израел знае кога го правите тоа, и Израел знае каде го правите тоа“, рече Нетанјаху.
Тој го обвини Иран дека го користел објектот во близина на градот Абадех за спроведување експерименти за развој на нуклеарно оружје и предупреди дека треба што побрзо да се преземе глобална акција за да се спречи создавање какво било иранско нуклеарно оружје.
Обелоденувањето од Нетанјаху дојде откако телото за нуклеарен надзор на ОН одржа состанок во Виена каде што се надева дека агенцијата ќе преземе построги мерки против Иран.
Нетанјаху рече дека Израел го открил објектот со помош на информации собрани од серија документи што израелски агенти ги украле од ирански магацин и ја обелодениле на почетокот од минатата година.
„Иран спроведува експерименти за развој на нуклеарно оружје“, рече Нетанјаху.
Тој покажа две сателитски фотографии за да го поддржи своето тврдење. Првата, снимена во јуни, го покажува објектот непроменет. Втората, снимена во јули, покажува дека се уништени делови од зградата, за што Нетанјаху рече дека е иранско прикривање откако Израел го открил објектот.
Министерот за надворешни работи на Иран, Мохамед Џавад Зариф, му одговори на Нетанјаху на Твитер, нарекувајќи го сопственик на вистински нуклеарки кој вика „волк“ на наводно разурнато место во Иран.
Зариф не посочи за каква локација станува збор ниту зошто во презентацијата на Нетанјаху се чини дека е разрушена. Тој подоцна твитна фотографија од британски весник од 1986 г., во која е детално опишана нуклеарната програма на Израел, поставена покрај сателитските слики што Нетанјаху ги покажа во својата презентација, без да понуди никакво објаснување.
