Во гробница стара 2.000 години археолозите пронајдоа скелет на жена која ја нарекоа Наташа. Областа каде што е ископана Наташа се наоѓа во руската република Тува и е позната како „руска Атлантида“ затоа што во текот на целата година е под вода.
Во гробницата е откриен на прв поглед необичен предмет во форма на модерен телефон, што е всушност тока за ремен украсена со тиркиз, карнеол и седеф, додека самиот ремен бил украсен со кинески парички што помогнале во датирањето (околу 2.137 години).
Гробницата била ископана во огромниот резервоар на островот на реката Јенисеј, наречен некропола Ала-Теј. Други гробници пронајдени на истото место датираат од бронзеното време до владеењето на Џингис Кан.
Спонзорирано: