Девојчето (11) и нејзиниот брат (5) кои беа отруени од јаглерод моноксид на јахта на Хвар се подобри, нивната состојба е стабилна, но тие и понатаму се животозагрозени. Д-р Тања Ковачевиќ од Клиниката за детски болести на Клиничкиот болнички центар Сплит го изјави ова во петокот наутро, додавајќи дека децата сè уште се приклучени на респиратор. Кои ќе бидат последиците од ваквото тешко труење, вели д-р Ковачевиќ, е невозможно да се процени во овој момент.
„Јаглерод моноксидот влегува во крвотокот и на тој начин ги зафаќа сите органи во организмот. Значи, целиот организмот е зафатен од труење и откако веќе нема да бидат во животна опасност, може да потрае неколку недели пред да можеме со сигурност да кажеме колку и какви ќе бидат последиците од оваа сериозна состојба“, рече д-р Ковачевиќ.
Лекарите рекоа дека состојбата на мајката на децата е подобра, додека мажот (64) и жената (56) се пуштени на домашна нега.
