Секогаш во средиштето на збиднувањата...

(Видео) Го треснала со лаптоп по глава, затоа што погледнал друга во авион

На социјалните мрежи се појави шокантно видео од авион во кое се гледа како љубоморна жена со лаптоп го удира своето момче по глава. Причината за кавгата е тоа што мажот погледнал во друга жена во авионот.

Стјуардесата се обидела да ја смири очигледно лутата девојка и ја предупредила да престане да пцуе затоа што зад неа имало дете, на што бесната жена не се обѕирала.

Кога екипажот во авионот побарал од мажот да се пресели во друго седиште, за да ја смири ситуацијата, лутата жена целосно ја изгубила контролата, тргнала по него и почнала да го удира по глава со лаптоп.

Откако успеале да ги одвојат, еден стјуард ѝ рекол дека ќе биде обвинета за напад, на што таа одговорила: „В ред, не ми е гајле”, пишуваат медиумите.