23.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈАТОП ВЕСТИ

Костадинов: Мицкоски се профилира како извор на лажни вести, шурува со луѓе кои ја загрозиле безбедноста на граѓаните

Христијан Мицкоски се профилираше како главен извор на лажни вести и невистини, соопшти Костадин Костадинов од СДСМ.

– Последната конструкција нарачана и спроведена од кујните во белиот дворец и нивните курири, e целосно разоткриена, нема никакво местење тендер за опремата на М-Нав, тоа е уште една од многуте лажни вести на ВМРО-ДПМНЕ .

Фактите за овој случај ги потсетија граѓаните за неспособноста на ВМРО-ДМННЕ, непотизамот и нивните сомнителни шеми.

Над пет и пол години ВМРО-ДПМНЕ не била способна да обезбеди нова опрема за македонското небо.

Се одело до таму во неодговороноста, да биде загрозена безбедноста на граѓаните, безбедноста на нашето небо.

Меѓу оние коишто директно се поврзани во овој случај е и таткото на Никола Поповски, поранешниот министер за надворешни работи на ВМРО-ДПМНЕ, кој воедно е и потписник на јавната набавка.

Денес, истата таа ВМРО-ДПМНЕ шурува со луѓето кои ја ставиле на ризик безбедноста на граѓаните, креира случаи и шири лажни вести.

По сите искажани невистини, по сите демантирани лаги, по сите измислици, Мицкоски треба да излезе пред граѓаните и јавно да се извини за сите изнесени невистини.

Мицкоски и ВМРО-ДПМНЕ се уште должат одговори:

Каква е поврзаноста меѓу Јанакиески, Мисајловски, Јанушев и Чепуњоски?

Зошто не се потпишувал договорот со компанијата која била избрана на тендерот?

Почитувани,

Ништо не се менува во ВМРО-ДПМНЕ. Немаат план, немаат идеја, ништо добро или конструктивно за граѓаните.

Тоа e истата партија заглавена во одбрана на криминалот на Никола Груевски и ширењето лажни вести, рече Костадинов.

Спонзорирано: