Секогаш во средиштето на збиднувањата...

Расипана микробранова печка предизвика поплава на аеродромот „Шереметјево“ во Москва

Расипана микробранова печка им го уништи денот на вработените на московскиот аеродром „Шереметјево“ каде што целиот терминал беше преплавен со вода откако чадот од рерната го активирал системот за сузбивање пожари на аеродромот, пренесува РТ.

Неприродна катастрофа го погоди терминалот Б на аеродромот во неделата, кога противпожарниот аларм се активирал и системот за противпожарна заштита почнал да ја облева зградата – и сите внатре – со вода.

Снимките од местото на инцидентот, направени од збунетите патници, покажуваат како вода капе од таванот и се слева по скалите. На некои места, нивото на водата достигнало со глуждовите, принудувајќи ги патниците да си ги измократ стапалата.

Поплавата, наводно, предизвикала неколку кратки споеви, прекинувајќи ја работата на неколку електрични системи на терминалот, вклучувајќи ги и железничките трансфери низ аеродромот.

Сите штети предизвикани од инцидентот веднаш биле средени, а терминалот продолжил со нормалното функционирање.