Секогаш во средиштето на збиднувањата...

Кремљ внимателно го следи случајот на рускиот дописник на „Медуза“ кој е во домашен притвор

Кремљ внимателно го следи случајот на дописникот на латвиска „Медуза“, Иван Голунов, изјави рускиот претседателски портпарол Дмитриј Песков. Песков изјави за ТАСС дека рускиот претседател Владимир Путин бил информиран за случајот на 7 јуни.

„Претседателот беше информиран за овој случај од висок профил. Кремљ нема право да ги коментира случаите. Имајќи го предвид профилот на овој случај, се разбира, внимателно ги следиме сите детали”, додаде портпаролот на Кремљ.

Голунов (36), истражувачки дописник на латвискиот интернет-весник „Медуза” од Рига, беше притворен во центарот на Москва на 6 јуни. Според полицијата, тој носел неколку пакувања со 4 грама мефедрон, синтетички стимулантски лек. За време на претресот на неговиот стан полицијата открила и 5 грама кокаин.

Адвокатите тврдат дека полицијата му го подметнала лекот на Голунов, објаснувајќи дека тоа можело да се случи во моментот кога новинарот бил пресретнат од полицијата. Новинарот се изјасни дека не е виновен по обвиненијата за трговија со дрога.

Генералниот директор на „Медуза“, Галина Тимченко, и главниот уредник Иван Колпаков сметаат дека Голунов може да биде гонет поради неговата професионална активност.

Новинарот беше хоспитализиран откако тимот за брза помош му дијагностицира скршено ребро, потрес на мозокот и хематоми, но лекарите во болница не ја потврдија оваа дијагноза.