Секогаш во средиштето на збиднувањата...

Шведска повторно ја отвори истрагата против Асанж

Шведскотo обвинителство донесе одлука повторно да ја отвори истрагата против основачот на „Викиликс“, Џулијан Асанж, по обвинувањата за силување против него од 2012 година.

Истрагата е повторно отворена на барање на адвокатот на наводната жртва, објави Би-би-си.

Асанж ги отфрла обвинувањата, а за да избегне екстрадиција во Шведска, тој од 2012 година престојуваше во Амбасадата на Еквадор во Лондон. Но, Еквадор минатиот месец му го укина азилот и Асанж беше уапсен и осуден на 50 недели затвор поради прекршување на условната слобода.

Негова екстрадиција бараат и САД каде е осомничен за објавување доверливи воени и дипломатски документи во 2010 година.