Неидентификувани напаѓачи ја убиле во Кабул новинарката и советничка во авганистанскиот парламент Мену Мангал, соопшти Министерството за внатрешни работи.
Портпаролот на авганистанското министерство изјави дека Мангал, советничка за култура и некогашна телевизиска водителка, била убиена изутринава додека одела на работа.
Според него, најмалку еден напаѓач избегал од местото на убиството, а полицијата започнала истрага.Никој досега не презел одговорност за нападот.
Полицијата соопшти дека не е познато дали убиството на Мангал е терористички чин или последица на личен конфликт.
Спонзорирано: