Секогаш во средиштето на збиднувањата...

Хилари Клинтон: Асанж мора да одговара за она што го сторил

facebook

Поранешната кандидатка на демократите за претседател на САД, Хилари Клинтон, смета дека основачот на „Викиликс“, Џулијан Асанж, кој беше уапсен вчера во Лондон, мора да одговара за она што го сторил.

„Суштината е дека тој мора да одговара за она што го сторил, барем за тоа за што е обвинет“, изјави Клинтон, која е и поранешна американска државна секретарка.

„Викиликс“ ги објави имејловите на Демократската партија што беа украдени од страна на руските разузнавачи за време на предизборната кампања во 2016 година, што ѝ наштети на кампањата на Хилари Клинтон.

Асанж беше уапсен вчера во Лондон кога владата на Еквадор го укина неговиот азил.