Откако утрово беше уапсен Стевчо Јакимовски, заедно со двајца негови соработници-поранешни раководители на сектори во Општина Карпош, обвинителството побара притвор за три лица.
Според информациите во големат аистрага засега покрај Јакимовски, се повикани и шест бизнисмени во градежниот бизнис во Скопје, за кои обвинителството бара мерки на претпазливост.
Првичните информации, велат дека девет лица се осомничени во истрагата, поради тоа што екс-градоначалникот на Карпош и двајца негови соработници ги легализирале, па продавале времени објекти на државно земјиште, спротивно на закон, по по екстремно ниска цена.
Поранешниот градоначалник на Општина Карпош Стевчо Јакимовски е осомничен за легализација на државно земјиште што било откупено по драстично пониска цена, соопшти за медиумите, првиот човек на обвинителството за организиран криминал Вилма Русковска.
Според првичните информации тие се осомничени за проневера на околу 1 милион евра.
Обвинителството се очекува во секој момент да ја информацира јавноста со најнови детали.
