Пожарот на Скопска Црна Гора, во местото викано Влајингроб, што избувна пред неколку часа се шири. На терен интервенираат противпожарни екипи на Град Скопје, но поради ветрот и непристапниот терен гаснењето е отежнато, информира Центарот за управување со кризи.
Пожарот се шири кон селата Никуштак, Виштица и кон Матејче во горниот дел од планинскиот превој. Гори сува трева и мешана шума.
Од страна на општина Гази Баба упатено е барање за ангажирање на воздухопловите на Дирекцијата за заштита и спасување во раните утрински часови.
Од ЦУК информираат дека противпожарните екипи ќе останат на местото и ќе ја следат состојбата во текот на ноќта за да го контролираат ширењето на пожарот.
Спонзорирано:
