Чуден и нејасен став покажува претседателскиот кандидат на ВМРО ДПМНЕ, Гордана Силјановска, прво нејзините изјави даваа изглед дека таа е незадоволна од високите пресуди за личностите кои беа обвинети за крвавиот четврток, а со нејзиниот твитер статус отвора нови дилеми.
На социјалните мрежи таа објави статус кој е малку контрадикторен од нејзините настапи, но и од ставот на партијата, со оглед дека токму тие беа најжестоки критичари на осудителните пресуди за напаѓачите и насилниците во Собранието кои заедно добија над 211 години затворски казни.
-Бидејќи мојот противкандидат Стево упорно бара да се правдам за нешто што воопшто не е поврзано со мене, а истото неколку пати и на јавни настапи го имам осудено, еве го прифаќам предизвикот на Стево.
#СтевоИзвини за тоа што ги амнестиравте вратарите на терористите, завршува Силјановска.
После оваа твитер порака се’ уште е нејасно, дали конечниот став на Силјановска е дека напаѓачите во Собранието се терористи или не?
Бидејќи мојот противкандидат Стево упорно бара да се правдам за нешто што воопшто не е поврзано со мене, а истото неколку пати и на јавни настапи го имам осудено, еве го прифаќам предизвикот на Стево. #СтевоИзвини за тоа што ги амнестиравте вратарите на терористите.
— Гордана Силјановска Давкова (@gogamkd) March 18, 2019
Друг аспект на целата ситуација е токму тоа што всушност амнестијата за крвавиот четврток, во која беа амнестирани лицата кои не учествуваа во насилствата, беше донесен со силна поддршка од пратениците на ВМРО ДПМНЕ.
