Кандидатката за претседател на ВМРО- ДПМНЕ, професорката, Гордана Силјановска, бара ТВ дуел со Стево Пендаровски. Таа ја обвини владеачката партија дека ја оцрнува и како што вели и ги извртува изјавите.
Таа вели дека нејзина искрена намера била и ќе остане да придонесе за фер и демократски избори во април. Силјановска додава дека од почетокот на нејзиното кандидирање за претседател била мета на навредливи и лични напади од страна на портпаролот на СДСМ.
– Одлучив да не одговарам на ниски провокации и недолични прозивки, дури и кога доаѓаат од врвот на владејачката партија, и едвај чекав да се соочам со противкандидатот, колегата Пендаровски.
Силјановска вели дека е подготвена за ТВ дуел со Пендаровски, каде сака да ги посочи аргументите за кршењето на процедуралните правила за правично судење со Пендаровски.
