Амбасадорот на Мисијата на Европската Унија во Албанија, Луиџи Сореца, порача дека доколку не се реши политичката криза во земјата се ризикува интеграцијата во Европската Унија.
Тој нагласи дека ЕУ, во врска со ситуацијата во Албанија, во последнте две недели е многу јасна, додавајќи дека секој има право на протест, но тоа мора да биде мирно и без поттикнување на насилство.
„Ситуацијата е без преседан, разговаравме со двете страни. Се сретнавме со власта и со опозицијата. Опозицијата не отстапува од нејзинииот став, без да се врати назад и тоа е тажно. Ова го рековме неколку пати, но без успех. Ова влијае на интеграцијата на Албанија. Ние бараме дијалог и сме непристрасни. Ние побаравме од владата дијалог. Ги повикуваме сите политичари од Албанија да ја држат страната на граѓаните“, рече Сореца.
