По повод претстојниот празник 8-ми Март, меѓународниот ден на жената, градоначалникот на општина Крива Паланка, Борјанчо Мицевски ги посети пензионерките, и им го честиташе претстојниот празник со честитка за добро здравје, среќа и долг живот.
Градоначалникот Мицевски, заблагодарувајќи се на здружението на пензионери за поканата да биде дел од свечениот настан, се обрати пред жените пензионерки од кривопалнечкиот регион, од Ранковце како и од Ќустендил-Р.Бугарија и рече:
-Драги дами, бидете горди жени, затоа што во вас е втакена мудроста, достоинството, издржливоста,упорноста,силата, а во исто време и нежноста, љубовта и внималтелноста.Бидете такви уште долги години и исполнете ги годините со живот, а не животот со години.
Имајте само пријатни моменти не само денес кога го прославувате вашиот празник, туку секој нареден ден во животот и нека среќата биде ваша секојдневна реалност, здравјето трајност, љубовта и вниманието постојано да ги исполнува вашите срца и души.
Нека ви е среќен 8-ми март, меѓународниот ден на жената од мое лично име и името на општинската администрација и Советот на Општина Крива Паланка, рече градоначалникот Мицевски во своето обраќање пред пензионерките.