Секогаш во средиштето на збиднувањата...

Последна порака за Дилан од Бренда: „Ќе ми недостигаш секоја секунда“

Шенон Доерти, телевизиската девојка на Лук Пери, е во шок поради неговата смрт. Лук Пери почина вчера на 53-годишна возраст како последица од мозочен удар, а Доерти, само неколку часа пред неговата смрт, рече дека била убедена дека ќе победи во битката. Сепак, тој не успеа, а Шенон даде изјава за „Пипл“ со која ги трогна сите обожаватели на Бренда и Дилан.

„Јас сум во шок. Со скршено срце. Уништена сум од губењето пријател. Имам толку многу спомени со Лук кои ме тераат да се смеам и кои се засекогаш втиснати во моето срце и ум. Лук беше паметен, тивок, скромен и сложен човек со златно срце и бескрајна добрина и љубов. Лук беше со мене во текот на мојата борба со ракот и нашата врска остана недопрена, и покрај тоа што бевме постари и помудри”, започна актерката.

„Постои посебен вид љубов што ја имаме еден за друг, од снимањето на серијата низ животот воопшто. Лук и јас работевме на идеи за шоу. Сакавме повторно да работиме заедно и да создадеме нешто посебно и значајно за нашите фанови во оваа фаза од нашите животи”, рече Шенон скршена од болка.

„Ќе ми недостигаш секој ден, секоја минута, секоја секунда”, заклучи таа.

Во тренд…