Секогаш во средиштето на збиднувањата...

Страшна епидемија на ебола во Конго – умреа речиси 100 деца

Речиси сто деца починале минатата година во Демократска Република Конго поради епидемијата на ебола, а ситуацијата е сè полоша бидејќи бројот на нови случаи на заразени се удвои во текот на минатиот месец, соопштија од организацијата Save the Children, а пренесува Си-ен-ен.

Од почетокот на епидемијата во август минатата година од оваа вирусна болест починале 97 деца. Од нив, 65 биле помлади од 5 години.

Но, ситуацијата сега се чини уште посериозна бидејќи во јануари годинава забележано е зголемување на бројот на нови случаи, така што бројката на заболени се зголеми од дваесет на четириесет неделно. Само во последните три недели биле забележани 120 нови случаи на инфекција од ебола.

Од ебола во просек умираат половина од заразените, но во оваа последна епидемија стапката на смртност е околу 60 отсто.

Симптомите вклучуваат висока температура, болки во телото, гадење, повраќање, дијареја и понекогаш крвавење во бубрезите и црниот дроб.

Тековната епидемија на ебола во Конго е втора најсмртоносна во историјата на земјата по онаа која изби во Западна Африка во 2014 година, при што умреа повеќе од 11.000 луѓе.