Босна и Херцеговина, Словенија и Хрватска викендов ги погоди силно невреме.
Најсериозно е во Босна, каде поради силните дождови и зголемувањето на водостојот водата однесе мостови и делови од патиштата. Во близина на местото Бугојно голем број куќи се под вода, а населението се евакуира.
Наглото топење на снегот и дождот што паѓа од синоќа предизвикаа проблеми во неколку зенички населби.
Блокиран е сообраќајот, а се изли реката Врбас, додека нивото на реката Босна е високо.
Во Хрватска времето е исклучително топло, какво со години немало во овој период од годината. Синоќа таму дуваше силен ветер кој утрово донесе отпад во дубровничкото пристаниште.
Поплави го погодија источниот дел на Истра каде имаше невреме со грмотевици, обилни дождови и силен ветер.
Вечерва проблеми предизвикаа дождовите и во Словенија. Неколку сообраќајници се затворени поради излевањето на реката Випава и неколоку потоци.
