Скопје ЗОО добива мини зоолошка градина за најмладите, соопштија од Зоолошката градина.
„По теркот на европските и светските, и во скопската зоолошка ќе се отвори Бејби ЗОО. Тоа е заградена мини зоолошка градина, каде што ќе има мали безопасни животни и каде што децата во присуство на ЗОО-негувател ќе може поинтеркативно да се запознаат со животните, да си играат и да се фотографираат со нив“, изјави директорот на скопската Зоолошка градина, Ѓорѓи Галетановски.
Целта е, како што додаде, децата уште од мали да ги почувствуваат љубовта и грижата кон животните.
„Доколку уште од мали научат како да се грижат за нив, сигурно е дека кога ќе пораснат, ќе ја имаат онаа ЗОО-култура што сега недостига кај нас“, истакна Галетановски.
Спонзорирано: