Секогаш во средиштето на збиднувањата...

Променливо облачно време, попладне слаб локален дожд

фото Centar.mk

Времето денеска е променливо облачно, во западните делови попладне со слаб локален дожд, а на планините со слаб снег, соопшти Управата за хидрометеоролошки работи.

Претпладне по одделни котлини ќе има појава на магла. Ќе дува слаб до умерен јужен ветер. Максималната температура ќе биде во интервал од 4 до 12 степени.

Во Скопје времето ќе биде променливо облачно со појава на магла. Ќе дува слаб јужен ветер, а максималната температура ќе достигне до 5 степени.

Во следните денови времето ќе биде претежно облачно и потопло, особено на повисоките места и на планините, што ќе предизвика забрзано топење на снежната покривка. Во утринските часови по котлините ќе има појава на магла. За време на викендот ќе дува умерен до засилен југоисточен ветер. Од понеделник ќе има локални врнежи од дожд со слаб до умерен интензитет.

Во тренд…