„Фејсбук“ ќе ги спојува услугите за испраќање и примање пораки на „Ватсап“, „Инстаграм“ и „Фејсбук-месинџер“ во една услуга. Ова би требало да се случи на почетокот на наредната година.
Секоја апликација и натаму ќе постои самостојно и ќе има свои индивидуални карактеристики, но платформата за размена на пораки ќе им биде заедничка. Идејата за овој чекор е подобрување на комуникациите меѓу милијарди корисници на разни апликации во сопственост на „Фејсбук“.