Германската канцеларка, Ангела Меркел, и британската премиерка, Тереза Меј, разговарале телефонски за процесот на брегзитот, соопшти кабинетот на канцеларката, без да наведе детали.
Портпаролот на Меркел, Штефен Зајберт, истакна дека Меркел и Меј вчера разговарале за следните чекори, но проблемот не може да биде решен преку телефонски разговор помеѓу канцеларката и премиерката.
„Прво што ни е потребно е основа за нов предлог, нов правец што Велика Британија најави дека ќе се дефинира в понеделник“, наведе Зајберт.
Германските функционери укажаа дека нема промена во ставот на Берлин оти е тешко да се замисли почеток на нови преговори за договорот за брегзит.
Британскиот Парламент во понеделникот го отфрли договорот за брегзит.
Спонзорирано:
