15.8 C
Скопје
29. март 2024
Centar.mk – Вести, бизнис, забава, спорт…
МАКЕДОНИЈАИЗБОР

Владимир Талески и 20 обвинети во „Транспортер“ слушаа разговор меѓу Јанкулоска и Ставрески

Во кривичниот суд во Скопје продолжи изведувањето на писмените докази во случајот на СЈО под кодно име „Транспортер“. Претходно беше пуштен еден јавно објавен разговор меѓу ексминистрите за финансии и за внатрешни работи Зоран Ставрески и Гордана Јанкулоска, во кој, меѓу другото, двајцата разговараат за превозот на ексградоначалникот на Битола, Владимир Талески.

Ставрески во разговорот со поранешната колешка Јанкулоска, го окарактеризира договорот на битолскиот градоначалник за автобускиот превоз на ученици во градот како „коруптивен до даска“.

Ставрески ѝ вели на Јанкулоска: „Се изнервирав дополнително со ова копилево од Битола, Владо Талевски, пи*ка ли му матер. Ни напраи скандал со овие превознициве“.

Ставрески понатаму вели: „До 2010, до јуни, склучен е договор со ‘Транскоп’, коруптивен до даска, у кој што по поединечен ученик договорените цени му се повисоки 10 пати повисоки отколку после тоа, отколку денес шо важат цените со приватни превозници се договорите“.

Ставрески додава: „И копилево место да си го покрие криминалот, напукал, пошто долгот до 2010 отприлика е, кон ‘Транскоп’, отприлика е 36 милиони денари и 22 милиони кон приватниве. И сега бара преку ЗЕЛС, прво со поддршка од Коце се разбира, да ние му ги покриеме долговите“, на што Јанкулоска одговара: “Коце за сите такви матни работи дава поддршка. И само да те намести“.

Ставрески вели: „Му реков на Панче „ти јави му се, оти ја ако му се јавам, ќе му е*ам мајката, не можам да се воздржам на телефон“. И сеа и на Кире Божиновски му се јавував да му изврши притисок, пошто копилето игра крајно прљаво. Значи тој е, тоа е… Кај што е неспособен, уште тежок криминалец, ама и перфиден актер она, глумец“.

Судењето за „Транспортер“ почна на 28 септември 2017 година, но, расправата лани по третпат почна од почеток. Претседателка на советот е судијката Добрила Кацарска. Обвинети се 21 лице за злуопотреби со превозот на уленици во Битола. По изведувањето на доказите на обвинителството, следуваат доазите на обвинетите.

(Makfax)

Спонзорирано: