Секогаш во средиштето на збиднувањата...

Во две несреќи во БиХ загинаа тројца луѓе

фото Pixabay

Три лица загинаа денеска во две одделни сообраќајни несреќи во Босна и Херцеговина, каде што сообраќајот е отежнат поради новите снежни врнежи, потврдија полициски извори.

Двете фатални несреќи се случиле во утринските часови кај местото Лакташи во близина на Бања Лука.

Во едната од нив двајца патници загинале кога со „голф“ излетале од патот. Освен нив, еден патник е потешко, а друг полесно повреден.

Нешто подоцна, во слични околности, загинал возач на „пежо“, а совозачот бил повреден.

Околностите под кои се случиле овие несреќи сè уште се испитуваат, објави полицијата на Република Српска.

Во близина на Зеница во утринските часови еден автобус што превезувал работници, поради лошите временски услови, се излизгал од патот и удрил во дрво. Меѓутоа, во оваа незгода нема посериозни последици бидејќи никој од петнаесетте патници што оделе на работа не е повреден.

Во тренд…