Околу 17 часот ќе продолжи седницата на Македонскиот парламент во однос на последната фаза од Уставните измени што значи и целосна реализација и испочитување од македонска страна на Преспанскиот договор.
Со над 80 гласа, меѓу кои и оние на власта, дел од пратениците на ВМРО ДПМНЕ, но и Беса се очекува да бидат изгласани Уставните измени.
По речиси напорни и исцрпувачки преговори како што прв во Република Македонија објави претходно (во 15 часот и 22м) Centar.mk, дојдено е до разумен договор меѓу Власта и делот од Беса кој реши сепак да застане на вистинската страна на историјата, коментираат извори. Барањата на Беса ќе се имплементираат преку Законски решенија, а не преку Уставни промени.
Не се исклучува можноста ваквиот чекор да го следат и нови пратеници од опозициската ВМРО ДПМНЕ, со што ќе се стави дознаење на Меѓународната заедница дека Македонија е обединета и решена да зачекори кон ЕУ и НАТО, дознава Centar.mk.
Меѓународната заедница порача дека ниту еден индивидуалец или политичка сила не смеат да ја држат иднината на Македонија во заложништво во овие историски моменти.