Секогаш во средиштето на збиднувањата...

Нови 271 илјада работни места во САД

Американските компании во декември отвориле 271.000 работни места.

Податоците на приватната агенција за вработување „АДП“, покажуваат дека овие бројки се далеку поголеми од очекуваните.

Најновите податоци се зголемени во однос на ноември кога беа отворени 157 илјади работни места и во однос на проекциите на економистите кои предвидуваа дека во декември ќе бидат отворени 178 илјади работни места.

Во градежниот сектор отворени се 37 илјади работни места, а голем скок е забележан во угостителството, каде се бараат 39 илјади лица за работа. Во корпоративниот сектор отворени се 66 илјади работни места, а во образованието и здравството 61 илјада.