Британската армија започна кампања со која ги повикува „нежните деца, милениумците и зависниците од селфи фотографии“ да се приклучат во нејзините редови.
Според Би-би-си, новите постери се дизајнирани да личат на оние од Првата светска војна и ќе се појават на билборди низ цела Британија.
Кустосот на Воениот музеј на британската империја, Алекс Волтон, пак, вели дека постерот на британскиот државен секретар лорд Херберт Киченер, на кој потсетува новиот дизајн, никогаш не се користел како официјален постер за регрутација во текот на Првата светска војна.
Постерот односно сликата на лорд Киченер, со порака „Потребен си и на твојата земја“, за првпат се појавил на насловната страница на весникот „Лондон онионс“ во септември 1914 година.
Покрај постерот, британската армија во рамки на кампањата наречена „Ова е припадност“, подготви и спотови во кои се појавуваат млади луѓе кои се чувствуваат потценети на нивните работни места.
Волтон верува дека кампањата е многу модерена и ги следи трендовите во согласност со прославата на 100-годишнината од крајот на Првата светска војна.
