11.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈА

Судот амнестира уште 5 лица за 27 април

Основниот суд Скопје 1 – Скопје постапувајќи по добиените барања согласно Законот за амнестија на настаните од 27 април 2017 година во Собранието на Република Македонија, а по добиени мислења од надлежното обвинителство, ги уважи барањата на уште петтмина обвинети во предметот.

„Одделот за Кривично полнолетни при Основниот суд Скопје 1 – Скопје постапувајќи по добиени барања согласно Законот за амнестија на настаните од 27 април 2017 година во Собранието на Република Македонија, а по добиени мислења од надлежното обвинителство, во Законски утврдениот рок донесе решенија со кои барањата на М.С., А.З., М.Ц. и В.Н. опфатени во предметот со К.бр. 752/17 како и барањето на А.Ш. опфатен во предметот со К.бр. 1013/18 ги уважи“, се вели во соопштенеито од судот.

Од Основен суд Скопје информираат дека девет други барања кои се однесуваат на седум обвинети лица со решенија од 28 декември годинава се одбиени како неосновани и доставени до странките.

Обвинетите, согласно Законот, имаат право на жалба на решенијата во рок од три дена до повисокиот суд. Сите останати барања, за кои се уште тече рокот за одлучување се во фаза на изготвување решенија и во следните денови ќе бидат доставени до странките, посочуваат од судот.

Спонзорирано: