Германската канцеларка Ангела Меркел изјави дека во интерес на Германија е да преземе поголема одговорност на меѓународно ниво во време кога мултилатерализмот редовно се напаѓа.
Во вообичаеното новогодишно обраќање, Меркел утврди дека некогашните цврсти начела на меѓународната соработка ставени се на тест и дека Германија мора одлучно да продолжи понатаму, аргументирано да расправа и да се бори за сите свои уверувања.
Меркел предупреди дека нејзината земја не може сама да ги решава светските проблеми, како што се климатските промени, миграцијата и борбата со тероризмот.
„За нашето сопствено добро сакаме да одговориме на сите тие прашања, а тоа најдобро ќе го направиме ако водиме сметка и за интересите на другите“ истакна Меркел во говорот.
„На тоа не научија двете светски војни од минатиот век“ додаде Меркел.
Таа исто така најави и зголемување на издвојувањата за хуманитарна помош, развој и воен буџет.
